سمير صفير: "في فنانة بالذات ما عم تستوعب ان صوتها نشف"

جي بي سي نيوز:- ابدى الملحن سمير صفير رايه ببعض الاعمال الفنية الجديدة وقال: "عم بسمع اغاني خصوصا لفنانات من حيث الكلمة والأداء شي تعتبر وايدولوجية التعتير ، يعني اذا بيحكوا أحلى ما يغنوا.. حتى في فنانين مشهورين سيدات هلق بدل ما يغنوا انا بفضل انو يحكوا أحسن".

وتابع "لانو الغناء بدوا قدرات وإحساس وسلطنة وانسجام ، مش صوت مزعج و نشفان في الإحساس ونشاز او زيادة اوتو تيون وبيصير الصوت متل غيتار عم بينقف .... بقى لازم يدرجوا الكلام في الاغاني كرمال بعض الفنانات حتى نرتاح بقى !!!! بقى استنظروا من هلق ورايح مغنيين عم بقدموا اغاني بس عم يحكوا بدل الغناء او عم يلقوا الشعر إلقاء".

واستكمل حديثه: "وفي فنانة بالذات ما عم تستوعب ان صوتها نشف ، لانو قلبها منشف وعقلها منشف وكلوا بيلحق بعضوا .. قليلة جداً هي الأصوات اللتي فيها فنون يعني مش كلو صريخ وعالي القرار ايضاً جميل ، والخمس في بعض الأحيان ايضاً جميل مش كلوا صريخ وندب وديستورشن وكانك في حلبة مصارعة ، بعدين اغلب الاغاني نفس الإيقاع والسرعة والنغمة وآلة المزمار مع كل جمالها كرهونا ياها ...
اين التنويع ، بالنغمات والايقاعات والآلات لا يوجد في شخ إبداعي ، باستثناء بعض الاغاني الجميلة".