بعد طلاقها.. علياء عساف توجه نصائح للفتيات تلخص معاناتها.. وزينة ترد عليها

جي بي سي نيوز - بعد أن أعلنت خبر انفصالها عن زوجها، وجهت الفنانة المصرية الشابة علياء عساف مجموعة نصائح للفتيات، لخصت فيها معاناتها مع الزواج.
علياء كتبت على حسابها على «انستجرام»: «رسالة لكل البنات: ما تتجوزيش اللي يكدب عليكي ويخدعك ويبين لك احلام مش حقيقية.. ما تتجوزيش اللي عايش لنفسه ولراحته مش عايش ليكي.. ماتتجوزيش اللي مش عايز يشوفك أحسن واحدة في الدنيا وعايز يهدك ويهد طموحك وكل ما تنجحي يكره نجاحك».
وأضافت: «ما تتجوزيش اللي يوم ما تحسي إنك مش عايزة تكملي معاه ينزلك من غير هدومك وأي حاجة بتاعتك بحجة إنك جرحتي كرامته لما طلبتي الطلاق.. لو مش هتتجوزي اللي يخليكي أسعد واحدة في الدنيا ويريحك ويعيش علشان يرضيكي ويبقى عايز يشوفك أحسن واحدة في الدنيا ما تتجوزيش.. اتجوزي اللي يرفعك مش اللي ينزل منك.. ما تتسرعوش وماتخدوش بالمظاهر».

الفنانة المصرية زينة علقت على نصائح علياء مازحة: «طب ماتقولي لهم ماتتجوزوش أصلا مالها القاعدة في بيت الأهل»، فردت علياء: «والله ده اللي نفسي أقوله بس قلت هيقولوا عليا مجنونة».
وكانت علياء عساف قد أعلنت خبر انفصالها عن زوجها رجل الأعمال الشاب محمد عماد الدين منذ أيام قليلة، بعد 8 أشهر فقط من الزواج.