إنجي عبد الله تُطمئن جمهورها: لم أُصب بالسرطان

جي بي سي نيوز-: طمأنت الفنانة المصرية وملكة جمال مصر السابقة إنجي عبدالله جمهورها بأن الورم الذي ظهر في دماغها ليس خبيثاً، وأنها تتلقى العلاج حالياً في اليابان، وأنها في وضع صحي جيد.
وقالت إنجي عبدالله في تدوينة لها على “فيسبوك”: “أنا الحمد لله كويسة ومبسوطة أوي علشان عرفت إن الورم الحمد لله مش خبيث، أنا عملت فحوصات كتير هنا في اليابان واللي أتأكدت منه دلوقتي إن مش خبيث لأن حجم الورم متغيرش من شهرين، وفي احتمالات تانية كتير إنه يكون فيروس أو إنفكشن، بس هعرف النتيجة النهائية كمان أسبوع″.
وأضافت: “أنا دخلت المستشفي لمده أسبوع، عملت فحوصات كتير علي المخ، وعينة من النخاع الشوكي، والله العظيم كل الدكاترة اللي متابعين حالتي هنا مذهولين، في الأشعات باين حجم ورم وكبير في مكان خطر هو جزع المخ اللي ميقدروش يخدوا عينة منه لأنه في مكان خطر، بس أنا معنديش أي أعراض خارجية غير لما أمشي لمدة طويله بفقد الإحساس برجلي وأحيانا بشوف كل حاجه قدامي إتنين، وهما مش عارفين أزاي ده ممكن يحصل، وفعلا شايفني حالة غريبة، لأن الأعراض اللي عندي حاجه بسيطه قدام الأشعات اللي شايفنها”.
ووجهت رسالة شكر خاصة لزوجها وكل من ساندها في أزمتها الصحية قائلة: “بس هقول الحمد لله إن الدعاء اللي اتدعالي من كل الناس اللي حواليا أهلي وأصحابي مسلمين ومسيحيين وحتى بوذيين هنا من أأصحابي في اليابان، والحب والخوف اللي شفته من الناس عليا وحتي جوزي اللي ربنا أكرمني بيه، ووقف جمبي، وكان بيراسل أكبر مستشفيات في لندن وأمريكا لحد الفجر هنا علشان فرق التوقيت بينا، حسيت أنا قد إيه محظوظة، ومكنش فارق معايا إيه ممكن يحصلي كفاية إني شفت الحب ده من كل اللي حواليا، وساعتها كنت بفكر إنه خلاص كلها شوية وقت مش أكتر، بس كنت سعيدة، وعمري حتي ما عيّطت مرة، قلت كلنا لينا وقت وأنا ممكن وقتي جه، بس كفاية إني كنت محظوظة وشفت حب الناس وقد إيه دي نعمة، بس الحمد لله إني كويسة وفي أمل كبير أوي دلوقتي إنها تطلع حاجه ممكن تتعالج، أنا فعلا بشكر كل اللي حواليا، وحاسة إن كل الدعا اللي اتدعالي فرق كتير، وعندي إيمان إن ممكن يكون غير من حاجة وحشة كانت هتحصلي، بجد شكرا من قلبي، وربنا يحميكوا لأهلكو وكل الناس اللي بيحبوكوا وبتحبوهم. شكرا”.