أصالة تكشف لابنتها عن سرّ غضبها في حفل «الموريكس دور»

جي بي سي نيوز :- وجهت الفنانة السورية أصالة نصري رسالة خاصة لابنتها «شام» توضح لها ما حدث وأزعجها أمس بحفل الموريكس دور، وكتبت على صفحتها الخاصة بموقع التواصل الاجتماعي "إنستغرام":
«يسعد صباحكم يا عمري أنتوا.. شاميتي هي رسالة علنية بدّي عرفك فيها أنه مو لازم دائماً نكون متل مو لازم لأنه مرات الظروف بتلعب دور لتخرب جزء من هالعمل اللي بدنا ننجزه، وكوني مبارح طلعت وكنت موجودة بمكان فيه ناس غلطانين بمشاعرهم تجاهي وكمان ناس حاولوا بشوية رسايل يخربوا ثقتي بالناس واختياري غني لايف بظروف غير مناسبة كل هاد خلاني ماكون بأفضل حالاتي إلا أنه في أشياء صارت رائعة مثلاً اكتشاف أخ وإنسان غاية بالروعة والتهذيب، (رامي عياش) وسعد لمجرد اللي هوه بالنسبة إلي واحد من عيلتي وشذى حسون اللطيفة الأنيقة وكتار عملوا ورح يعملوا بحياتي فرق.. مجرد قربت منهم فا يامامي مرات بنكون عمّ نستنى شي مابيزبط متل مابدنا بس بيصير شي تاني ممكن يكون أحلى وماكنا فكرنا فيه أو استنيناه... فا ماتزعلي على مبارح لأنه نحنا خلقنا نغلط ونصيب ومبارح عملت الاتنين يسعد صباحك».
كانت أصالة قد حصلت أمس على جائزة أفضل مطربة عربية في استفتاء الموريكس دور الذي أقيم بكازينو لبنان وسط حضور عدد كبير من النجوم.